Granvin barne- og ungdomsskule ligg i hjartet av bygda Granvin inst i Granvinsfjorden, 20 min køyring frå Voss. Skulen har kring 120 elevar frå 1. til 10. klasse. På SFO er det kring 40 born frå hausten 2024. Skulen er godt vedlikehalde med gode og oppgraderte spesialrom og eit stort og variert uteområde. Me har eit særs godt elevmiljø og eit godt arbeidsmiljø med høg trivsel. Satsingsområdet vårt er meir leik i undervisninga, uteskule og praktisk undervisning i det utvida klasserommet.

Stillinga er 100% fast på ordinært årsverk, 37,5 t/v og føl ikkje skuleruta.

Arbeidsoppgåver

Til stillinga ligg oppfølging av born med særskilde behov på skule, SFO og utvida SFO, i tillegg til ordinært elevarbeid i skule og SFO.
Pedagogar og fagarbeidarar arbeider tett og godt saman gjennom skuledagen.
Du vil få dyktige og dedikerte kollegaer som set pris på kollegaer med gode samarbeidsevner, høg relasjonskompetanse og som skapar tillit hjå både born og vaksne.

Me tilbyr

gode vilkår for fagleg utvikling
eit godt tverrfagleg og sosialt miljø
gode forsikrings- og pensjonsordningar
løn etter kommunalt avtaleverk og elles tilsetjing på vanlege kommunale vilkår

Kvalifikasjonar

Fagbrev som barne- og ungdomsarbeidar eller helsefag
Anna relevant kompetanse eller erfaring kan kompensere for dette.
Gode norskkunnskapar, både skriftleg og munnleg.

Me ynskjer

At du tek ansvar, er strukturert og kan handtere ein hektisk arbeidskvardag. Er engasjert og positiv.
At du er tydleg overfor borna, samt ein god rollemodell som bygger gode relasjonar, lyttar og ser deira behov.
At du du bidreg til godt arbeidsmiljø.
At du er god på relasjonskompetanse. Det er viktig med gode samarbeidsevner og god kompetanse på tilrettelegging for elevar eller grupper med behov for ekstra støtte.

Godkjent politiattest må leggjast fram før tiltreding i stillinga.

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ber om at du lastar opp vitnemål og attestar i søknaden.
Link til søknadsskjema: Søk her Livet er meir enn arbeid. På Voss kan du gå på ski om vinteren eller på fjelltur om sommaren, nokon et smalahove, høyrer på jazz eller driv med ekstremsport. Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vossevangen, og me har godt togsamband til både Bergen og Oslo. Voss herad har om lag 16.000 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad. Verdiane våre er profesjonell - påliteleg - skapande - inkluderande

Fagarbeidar/assistent 100% fast stilling